Press Release by MPSOA

MIZORAM POLICE SUBORDINATE OFFICERS’ ASSOCIATION

 

PRESS RELEASE

         Vawiin Dt:28.03.2015 @ 8:50 AM vel a HPC(D) mi leh sa ni a hriat Silai keng ten kan ram hruaitu MLA rual Zokhawthiang leh a chhehvel hmasawnna ngaihtuaha zinte Escort-tu kan member pui Police 3 kaphlum a, midang 5 te kahhliam anni hi Mizoram Police Subordinate Officers’ Association, General Headquarters chuan a dem takzet a, kan ram hruaitu MLA rual leh an thuihhruai thlabar tak leh mangang tak maia dahtu HPC(D) te hi MPSOA chuan kan dem takzet ani.

         Kan hriat danin HPC(D) te hian tun tuma MPSOA members 3 an thah bakah hian kum 1997 atanga vawiin ni thleng hian Police 10 leh Civil mi 7 an that tawh a, Police 9 leh Civil mi 2 na takin an hliam tawh a, Civil mi 27 te an kidnapped tawh bawk a ni. Hetiang tak mai a rawng leh pawisak neilo a HPC(D) te an che fo mai hi Mizoram Sorkar hian na takin chhanglet ve ngei se, an phutawk hremna pek an nih theihnan MPSOA chuan theihtawp a chhuah dawn a, Martyr te thisen hi a thlawnin a far lovang.

         Heng Police Ambush tute zingah hian 1st MAP Constable HPC(D) a tlanlut ta Malsawmkima Hrangchal, Sakawrdai khua pawh a Police pui te kaphlum tute zingah a lo tel ve leh zel hi MPSOA chuan mak a tiin pawi ati tak zet a, Police zingah hian hetiang mi an lo inphum ru thei pawh hi fimkhur lehzual ngai takzet in a hria a ni.

Chutih rualin kan member pui vawiin a kahhlum tak te:

  1.     SI Zoramthara Khawlhring, Sakawrdai PS OC, Chanmari, Aizawl
  2.     D/G-III C.Lalchuailova, Driver, Bawngkawn, Aizawl
  3.     C/673 Hmangaihmawia, 1st MAP, Dinthar Veng, Aizawl

leh an kalsan tak an nupui fanau te leh an chhungte bakah hliam tuar te chu MPSOA chuan kan tuarpui tak zet zet a, a theih ang anga tanpuina leh chhawmdawlna pawh pek a tum bawk ani.

 

Sd/-

(JH CHUNGLIANTHANGA)

General Secretary

MPSOA General Hqrs

Mizoram : Aizawl

 

This website belongs to Police Department, Government of Mizoram, India. Hosted by DoICT, Template by ZENICS | Template by ICT