November 8, 2019, zing dar 9 vel khan Temple Bus Stand, Vaivakawnah Pu Lalchhanchhuaha, Hunthar Veng, a fate pahnih Livingstone School, Dawrpui Vengthar-a Kg-I leh leh Class-I zirlai hruai tur, a scooter nung thei lo vanga mangang taka a hawi vel chu a bula Traffic Police, C/97 Lalrinmawia Kawlni s/o Thangchhuana(L), Chawlhhmun (Chawlhhmun YMA Section-III Leader ni bawk) chuan hmuin, naupang school tlai hlau mangang leh a pa tihngaihna hrelo chu panin, “Ka bike hian va thlah mai rawh”, tiin a bike a hmantir a ni. Police-te hi ṭanpui ngai ṭanpuitu tur kan nihna tilang a, Mizo nun ze mawi chhawmnungtu thawhpui kan nei hi Mizoram Police chuan kan chhuang hle a ni. Police dang tan pawh entawntlak a ni.
