SP Office Lunglei, School Education Department Lunglei, District Legal Services Authority (DLSA) Lunglei leh Nasha Mukt Bharat Abhiyan, Lunglei District te tangkawpin vawiin, 10th December 2025, chawhma dar 10:00 AM khan Lunglei khawpui chhungah "Grand Rally Against Drug Abuse and Illicit Drug Trafficking" buatsaih a ni.

He kawngzawh hi Lunglei khawpui chhunga sikul hrang hrang atangin zirlai 600 vel an tel a. Rally hi Lunglei khawpui chhunga hmun pahnih-Kikawn leh Government High School, Chanmari ațangin a rualin tan a ni a, Pi. Lalthansiami Hnamte, Civil Judge, Senior Division-II, Lunglei Court in Govt. High School atangin a vai liam a, Pi Beikhaizi, SDO(Sadar), Lunglei in Kikawn lam atanga kalte avai liam bawk a ni. He huna telte hi Saikuti Hall, Lunglei-ah in tawk khawm in Drug Abuse Awareness Campaign neih chhunzawm nghal a ni.

He Drug Awareness Programme hi Pu Micky Lalenkawla, District Education Officer, Lunglei-in a kaihruai a, Pu J. Lalmuankima, SP Lunglei chuan kal khawmte chibai bukna thusawina hun a hmang bawk. He hunah hian Pu Altaf Ahmad Khan, IPS, DIG (Southern Range) chu Khuallian ni in he hun hi a hmanpui a, mipui pungkhawmte hnenah thu a sawi bawk. DLSA atangin Pu Z.D. Lalnunsanga, Advocate chuan Legal Awareness session nei in, SI Vanlalfinga, Excise & Narcotics Department, Lunglei chuan ruihhlo hmansual avanga nghawng tha lo leh a rah chhuah theih thil tam tak sawi na a nei bawk. Pu K. Lalfakzuala, President, YMA Sub-Headquarters, Lunglei pawhin thusawina a nei bawk. Pi Zoramdini, Addl. Deputy Commissioner Lunglei chuan Programme khar na hun hmangin kal khawm te hmaah lawmthu sawina a nei. He programme-ah hian School hrang hrangte chu category pathum- Primary, Middle leh High School-ah thenin 'Rawlthar tang fan fan' tih hla hmanga music video nena intihsiakna an submit te chu lawmman semna hun hman nghal a ni bawk.