No. RO/TRF/SP-Noti-7/08/644

Dated Aizawl, the 25 Aug., 2025 : Mizoram Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna a pek ang leh PWD, Aizawl Road South Sub-Division-IV ngenna angin a hnuaia mi ang hian Sr.SP Traffic chuan thupek chhuah a ni.

PWD, Aizawl Road South Sub-Division-IV chuan Aizawl Bypass Road Ch.0+800Kmp; World Bank Road, Falkland Venga lei tla hniam chu ni 26.08.2025 (Thawhlehni) zing dar 10:00 atangin kawng lai chata tui luankawr siam hna an thawh dawn avangin helai kawngpui hi hna thawh zawh a nih hma chuan khar/block a ni dawn tih mipuite kan inhriattir e. Hemi hun chung hian lirthei tlan dan tur hetiang hian ruahman a ni:

1. Falkland Veng lam, World Bank Road-a kal tur; LMV chin hnuai lamte chu Supply peng, Zemabawk Kawnveng atangin Hebrai Veng, Falkland lamah tlan theih a ni.

Tin, hemi kawngah hian Hebrai Veng lam atangin Supply peng, Zemabawk Kawnveng lamah a let zawngin Two Wheeler chauh tlan phal a ni.

2. HMV, MMV-te Aizawl Bypass Road, Falkland Veng atanga Bawngkawn paltlanga Sairang road-a tlan thinte pawh hna thawh zawh anih hma chuan tlan phal a ni lo.

Tin, he thupek hian chhiatrupna thil; kangmei leh emergency kaihhnawiha duty, dan leh thupek pawimawh bika duty-te chetvelna a huam lo vang.