Sept. 16, 2019, Dar 9 a.m khan Mizoram Police DGP Pu SBK Singh, IPS ruahmannain Mizoram Police SPs, COs leh Senior Police Officers Conference, Arya Mess, PHQ, Khatla, Aizawlah buatsaih a ni a. 1st Session leh 2nd Session neih a ni a, 2nd Session-ah hian Home Minister, Pu Lalchamliana’n a hmanpui a ni. He Conference-ah hian Assam Rifle, BSF leh Customs hotute pawh sawm an ni bawk. SP leh CO te an kal kim hle a, Powerpoint Presentation anmahni Unit leh District concerned Law & Order hmalakna leh hmachhawpte report an pe hlawm a ni. AR, BSF leh Customs te nen hian International Border, Myanmar leh Bangladesh-a illegal immigrant, illegal trafficking of drug & smuggling do ho dan tur te an sawi ho a ni.
Chief Guest, Pu Lalchamliana chuan Mizoram Police Senior Officer leh Assam Rifles, BSF leh Customs Officers kalkhawmte hmaah thu sawiin Mizoram tan mai nilo, India ram tana Ruihhlo, Smuggling leh rampawn atanga dan lova lut ru do tlang thei tur Force kal khawm te chu lawmthu hrilhin, disciplined Forces te chu manpower management-ah mechanical aiin humanitarian ngaipawimawh turin a chah a, an kutke, an naute hamthatna (welfare) hlamchhiah lo turin a chah bawk a ni. He Conference hi DGP(M) SBK Singh, IPS chuan khaikhawmna neiin Officer Senior-te hnenah Staff-te hriselna ngaihpawimawh tul a tih thu sawiin Mizoramah zu kaihhnawih leh ruihhlo dang avanga thihna tam thu leh Cancer avanga thihna tam zia chu sawilangin mut mawh hnar mawha neih a tul zia hriaa staff-te zingah hetiang ang harsatna nei an awm chuan Special Drive neiha heng laka an fihlim theihna kawng zawn leh councelling te neih a tha a tih thu a sawi a, Staff te pensionsuperannuation an awma thlahna hunah a theih hram chuan PPO (Pension Payment Order) nena thlah thin ni se a duh thu a sawi bawk. He Conference hi member kal ten hlawk an ti in Law & Order kenkawhna kawnga BSF, AR leh Customs te nen thawhhona tha a siam ngei an ring a ni.
