Phone Fraud

Tunlai hian phone call hmanga inbumna a hluar hle mai a, mi tam tak, an bank account aţangin pawisa tam tak an ruk chhuah sak tawh a.  Tin, hei bakah hian zahmawh rawng kai thlalak leh thil dang hmuh nuam lo thil tam tak Social media-ah a darh nasa hle mai a. Hemi laka mitin te kan him theih nan heng a hnuai ami te hi zawm hram turin kan in ngen a ni e.

  • Phone kaltlangin, mi, i hriat ngailohin i bank account number emaw ATM card emaw a thi dawn tih an rawn hrilh che anih chuan awih suh.
  • Phone kaltlangin mi tu pawhin i ATM Card rawng eng chi kha a rawng pawl chi ah thlak a ngai ti â, i ATM Card number te pawh dik thlapa rawn sawiin, i phone-ah confirmation code a rawn thleng anga, chu chu min rawn hrilh rawh an tih che chuan hrilh ngai suh ang che.
  • State Bank of India emaw bank dang i account hawnna bank atang rawn call che ni awma in sawi an awm chuan i ATM Number emaw PIN emaw a hnung lama inziak emaw Password emaw pawh hrilh lovang che. Bank reng reng hian an customer-te phone in an be ngai lo tih hre reng ang che.
  • I hriat ngailohin i bank account number emaw ATM card number emaw an dil che anih chuan hrilh suh.
  • I mobile phone ah SMS-in One time password (OTP) number alo thleng anih chuan tumah hrilh suh.
  • Hetiang ang phone call emaw message emaw kan dawng anih chuan inbumna a ni tih hria in chhan duh loh emaw engmah hrilh loh mai tur ani.
  • SMS emaw email hmanga Lottery emaw Hna (Job offer) emaw Thilthlawn pek (Gift) emaw i dawng a nih chuan inbumna a ni tih hria ang la. Pawisa engmah thawn ngai suh ang che.
  • Facebook emaw whatsapp leh social network dang aţanga i thian siam chawp, ramdang miin thilthlawnpek rawn pek che a tum a nih chuan inbum tumna ani tih hria in, hnar zel ang che. A rawn thawn lui che ni anga a insawi a nih phei chuan inbumna ani tih hre nghal la, sum engmah a tlanchhuahna tur in pe hek suh ang che.
  • Bank account hi amahin a thi ngawt thei lo a, a thi (dormant) anih pawh in account-ah pawisa dah luh emaw lakchhuah emaw in a nung leh nghal mai thei ani. Bank account chungchangah buaina i nei emaw hriatchian duh i nei anih chuan account i neihna bank-ah nangmah ngei kal in thu i zawtfiah ţhin dawn nia.
  • Cyber crime-ah harsatna/buaina i tawk a nih chuan i awmna atanga hnai ber Police Station-ah Complaint (FIR) thehluh mai tur a ni.
  • Mi tu pawhin Social media emaw platform dangah pawh zahmawh rawng kaia naupang kum tling lo thlalak emaw video emaw (Child Pornography), pawngsual (Rape) leh a huhova in pawngsual rawnna (Gang rape) thlalak emaw video emaw kan hmu a nih chuan a rang thei ang bera police te hriattir hi mipuite tih makmawh a ni a, Police Station atanga kan awmna a hla deuh a nih pawhin Internet hmangin Sorkar laipui website – https://cybercrime.gov.in ah hian online in report a submit theih bawk a ni. Amaherawhchu, he website hi a chunga kan sawi tak child Pornography, Rape leh Gang Rape te chauh report na tur bika duan a ni.
  • Sokar laipui hian Twitter lamah Cyber Crime chungchanga mipui te hriat tur pawimawh leh Cyber crime laka inven dan hriat theihna tur @CyberDost Twitter Handle a siam a, hei hi mipuite leh sokar hnathawk zawng zawng ten follow theih ni se a lawmawm hle ang.