Mizoram Police Sports & Cultural Control Board chuan a tum 22-na atana Mizoram Police Sports Meet; ni 9 Dec., 2024 (Thawhtanni) atanga a buatsaih chu ni 13 December, 2024 (Zirtawpni) chawhnu Dar 03:00pm ah 1st Bn. MAP Parade Ground-ah a kharna hun hmangin Pu K. Sapdanga, Hon’ble Home Minister, Mizoram chu Khuallian niin; XXII MPSM, 2024 kharna hun a hmanpui.
Mizoram Police chu Contingent 12-ah inthen niin; Aizawl khawpuia infiamna hmun 13-ah ni 9 – 13 December, 2024 chhungin infiamna chi hrang 18 (Athletics, Arm Wrestling, Boxing, Badminton, Basketball, Carrom, Chinese Checker, Chess, Fittest Competitor, Football, Judo, March Pass, Shooting, Tug-of-War, Taekwondo, Table Tennis, Tennis, Volleyball) hmangin inelna neih a ni a, infiammi 1200 zetin inelna an nei. A pumpuia Contingent leh mimal lawmman latute chu hetiang hi a ni:
| Overall Champion and Runners Up | |||||
| Contingent | Gold | Silver | Bronze | Total | |
| Champion | PHQ Group | 19 | 22 | 24 | 65 |
| Runner Up | Central Range | 16 | 8 | 13 | 37 |
| Third Place | Red Group | 15 | 15 | 12 | 42 |
| Individual | |||||||
| Category | Name | Contingent | Gold | Silver | Bronze | Total | |
| Best Athletes | Men | C/26 Lalbiakhlua | 3rd Bn. MAP | 3 | 0 | 0 | 3 |
| Women | ASI R. Lalnunhlimi | Central Range | 2 | 1 | 0 | 3 | |
| Best Shooter | Men | C/165 PC Lalrinfela | 1st Bn. MAP | 3 | 0 | 2 | 5 |
| Women | SI Cindy Vanlalhriatpuii | Central Range | 2 | 0 | 0 | 2 | |
Mizoram Police hi vawiin thlengin Mizoram chhunga infiamna kalpui thin chi hrang hrangah hmahruaitu a ni a, infiammite hna pekna kawngah pawh sul sutu pawimawh tak a ni. Tin, vawiin thlengin top flight football khelin; Mizoram Premier League Season-10, 2023 leh Independence Day Celebration Football Tournament, 2024-ah te an Champion a ni.
Tin, Mizoram sawrkar Department zawng zawng tana Annual Sports Meet kan neih thin, Annual Mizoram State Civil Services Sports Meet (Inter-Department) ah vawi 16 zet Mizoram Police hi a pumpuiah pakhatna ni tawhin; kumin, 2024-ah pawh hian Armed Contingent leh Unarmed Contingent-ah te then hran niin Unarmed Contingent-te hi a pumpuiah Overall Champion (Gold-9; Silver-7; Bronze-12) an ni.
